КУМИТАИ ДАВЛАТИИ ИДОРАИ ЗАМИН ВА ГЕОДЕЗИИ ҶУМҲУРИИ ТОҶИКИСТОН

КОРХОНАИ ВОҲИДИ ДАВЛАТИИ
"БАҚАЙДГИРИИ МОЛУ МУЛКИ ҒАЙРИМАНҚУЛ"

МАЪЛУМОТ

ОИД БА НАТИҶАИ ФАЪОЛИЯТИ КВД «БАҚАЙДГИРИИ МОЛУ МУЛКИ ҒАЙРИМАНҚУЛ» ВА КОРХОНАҲОИ ФАРЪИИ ОН ДАР НИМСОЛАИ ЯКУМИ СОЛИ 2021

Дар нимсолаи якуми соли 2021 аз ҷониби корхонаҳои минтақавии бақайдгирӣ 21540 адад ҳуқуқи истифодаи қитъаҳои замин (вилояти Суғд – 4824; ВМКБ – 588; вилояти Хатлон – 9464; шаҳру ноҳияҳои тобеи ҷумҳурӣ – 6665), аз он 2925 адад хоҷагиҳои деҳқонӣ (вилояти Суғд – 1104; ВМКБ – 89; вилояти Хатлон – 1108; шаҳру ноҳияҳои тобеи ҷумҳурӣ – 624), 119 хоҷагиҳои иловагии ёрирасони шахсӣ (вилояти Суғд – 1; ВМКБ - 17, вилояти Хатлон – 38; шаҳру ноҳияҳои тобеи ҷумҳурӣ – 63), 15290 адад қитъаҳои замини наздиҳавлигӣ (вилояти Суғд – 2843; ВМКБ – 133; вилояти Хатлон – 7404; шаҳру ноҳияҳои тобеи ҷумҳурӣ – 4910), 396 дигар намудҳои хоҷагидорӣ (вилояти Суғд – 125; ВМКБ – 11, вилояти Хатлон – 58; шаҳру ноҳияҳои тобеи ҷумҳурӣ – 202), 2811 адад дигар намуди қитъаҳои замин (вилояти Суғд – 751; ВМКБ – 338; вилояти Хатлон – 856; шаҳру ноҳияҳои тобеи ҷумҳурӣ – 866 адад) ба қайди давлатӣ гирифта шуда, заминистифодабарандагон бо Шаҳодатнома дар бораи бақайдгирии давлатӣ таъмин гардидаанд.

Дар давраи ҳисоботӣ 24878 адад биноҳои истиқоматӣ ва ғайриистиқоматӣ, аз ҷумла ҷудогона ва иншоот ба қайди давлатӣ гирифта шуданд, аз ҷумла дар вилояти Суғд – 6058; ВМКБ – 510; вилояти Хатлон – 5773; шаҳру ноҳияҳои тобеи ҷумҳурӣ – 12537 адад. Инчунин 2108 адад маҳдудиятҳои (гарониҳои ҳуқуқ) ба молу мулки ғайриманқул (вилояти Суғд – 604; ВМКБ – 117; вилояти Хатлон – 402; шаҳру ноҳияҳои тобеи ҷумҳурӣ – 985), 29 адад қатъи мавҷудияти молу мулки ғайриманқул (Суғд-25, Хатлон-2, шаҳру ноҳияҳои тобеи ҷумҳурӣ – 2 адад), 622 адад қатъи маҳдудиятҳои гарониҳои ҳуқуқ ба молу мулки ғайриманқул (вилояти Суғд- 152, ВМКБ – 11, Хатлон – 93, шаҳру ноҳияҳои тобеи ҷумҳурӣ – 366 адад) ба қайди давлатӣ гирифта шуданд. Аз Феҳристи ягонаи давлатии молу мулки ғайриманқул ва ҳуқуқҳо ба он ба шахсони воқеӣ ва ҳуқуқӣ 16561 адад иттилоот дода шудааст (вилояти Суғд – 3697; ВМКБ – 250; вилояти Хатлон – 2424; шаҳру ноҳияҳои тобеи ҷумҳурӣ – 10190 адад).

Аз ҷониби корхонаҳои тобеъ корҳои баруйхатгирии техникӣ бо миқдори 33043 адад (ВМКБ – 193; вилояти Суғд – 9187; вилояти Хатлон – 7799; шаҳру ноҳияҳои тобеи ҷумҳурӣ – 15864 адад) гузаронида шуданд, аз он 14244 адад барӯйхатгирии техникии асосӣ (ВМКБ – 126; вилояти Суғд – 3150; вилояти Хатлон – 4898; шаҳру ноҳияҳои тобеи ҷумҳурӣ – 6070 адад), 11852 адад барӯйхатгирии техникии ҷорӣ (ВМКБ – 22, вилояти Суғд – 3863; вилояти Хатлон – 2241; шаҳру ноҳияҳои тобеи ҷумҳурӣ – 5726) ва 6947 адад дигар намуди корҳо (ВМКБ- 45, вилояти Суғд – 2174, Хатлон - 660, шаҳру ноҳияҳои тобеи ҷумҳурӣ- 4068).

Дар нимсолаи якуми соли ҷорӣ ба Корхона 51 адад парвандаҳои заминсозӣ оид ба додани қитъаҳои замин, ки бо супориши Ҳукумати Ҷумҳурии Тоҷикистон сурат мегиранд, аз кумитаҳои идораи замини шаҳру ноҳияҳо барои экспертизаи ҳуҷҷатҳо ва мувофиқакунӣ бо вазорату идораҳои дахлдор ворид гардид. Аз он 32 адад парванда дар мувофиқакунӣ бо вазорату идораҳои дахлдор қарор дошта, 19 адад парвандаҳои заминсозӣ барои ҷой доштани камбудию норасоиҳо аз экспертизаи техникӣ бозпас гардонида шуданд. 9 адад лоиҳаи қарорҳои Ҳукумати Ҷумҳурии Тоҷикистон дар мувофиқакунонӣ бо вазорату идораҳои дахлдор қарор доранд.

Дар робита ба ин 13 адад парвандаҳои заминсозии қаблан воридгардида пас аз мувофиқа бо вазорату идораҳои дахлдор, тибқи тартиби муқарраргардида ба Ҳукумати Ҷумҳурии Тоҷикистон барои баррасӣ ва ба тасвиб расонидани лоиҳаи қарор пешнињод гардиданд. Инчунин 12 адад парвандањои заминсозие, ки қаблан солҳои 2018-20 пешниҳод гардида буданд, бинобар сабаби гузаштани муҳлати иҷроиш ва дастгирӣ наёфтан аз тарафи вазорату идорањои дахлдор ба кумитаҳои идораи замини шаҳру ноҳияҳо бозпас гардонида шуданд. Айни ҳол 34 адад парвандаҳои заминсозӣ дар мувофиқакунонӣ бо вазорату идораҳои дахлдор қарор доранд. Тайи ин давра 12 лоињаи ќарорҳои Њукумати Љумњурии Тољикистон ба тавсиб расидаанд.

Барномаи электронии «Системаи худкори бақайдгирии молу мулки ғайриманқул дар Тоҷикистон» (СХБТ) мавриди истифода қарор дошта, ҳамагуна амалиёти бақайдгирӣ дар 62 корхонаҳои минтақавии бақайдгирӣ пурра тариқи барномаи мазкур анҷом дода мешавад. Амалиёти бақайдгирии объектҳои молу мулки ғайриманқули ноҳияи Мурғоб тавассути барномаи мазкур дар корхонаи бақайдгирии шаҳри Хоруғ анҷом дода мешавад.

Дар барномаи СХБТ ва сомонаи Корхона (www.baqaydgiri.tj) се намуди феҳристҳо (молу мулки ғайриманқул, бақайдгирии шартномаҳои гарав ва ҳабси молу мулки ғайриманқул) ҷой дода шудаанд. Феҳристҳои мазкур ба шахсони воқеӣ ва ҳуқуқӣ дар реҷаи мустақим (онлайн) дастрас буда, онҳо метавонанд маълумоти заруриро нисбати объектҳои молу мулки ғайриманқули бақайдгирифташуда ройгон пайдо намоянд.

Инчунин, дар барномаи СХБТ модулҳои зарурӣ - ҳисоботи бақайдгиранда, замима ба ҳисоботи бақайдгиранда, ҳисоботи умумии КДФ-ҳо, ҳисоботи умумии КВД оид ба қитъаҳои замин, ҳисоботи умумии КВД оид ба биноҳои истиқоматӣ ва ғайриистиқоматӣ ва ҳисоботи гендерӣ мавриди истифода қарор доранд. Бо назардошти пешниҳод ва дархости бақайдгирандагони корхонаҳои фаръии тобеъ ба модулҳои зикргардида тағйиру иловаҳо ворид карда шуданд.

Дар нимсолаи якуми соли 2021 корҳои мукаммалгардонии барнома идома дода шуданд, аз ҷумла дар заминаи барномаи мазкур модули “Бойгонии электронӣ” таҳия гардида, баъди санҷиши озмоишӣ дар КДФ “БММҒ” дар шаҳру ноҳияҳои тобеи ҷумҳурӣ ва вилояти Хатлон мавриди истифодаи асосӣ қарор дода шуд. Тибқи нақшаи корӣ дигар корхонаҳо ҳам то охири соли равон ба модули мазкур пайваст карда мешаванд. Ин имкон медиҳад, ки тамоми маълумоти бойгониҳои КДФ “БММҒ” дар шаҳру ноҳияҳо дар шакли электронӣ мутамарказ гардонида шаванд.Инчунин дар сомонаи Корхона муроҷиати электронии шахсони воқеӣ ва ҳуқуқӣ ҷой дода шуд, ки он ба таври худкор ба почтаи электронии info@registr-ni.tj ирсол мегардад.

Ҷиҳати ташкил намудани алоқаи видеоӣ аз тарафи КВД ”БММҒ” чораҳои саривақтӣ андешида шуданд. Корхона ва корхонаҳои фаръии тобеъ дар шаҳру ноҳияҳо бо интернети баландсуръат таъмин гардида, барнома ва таҷҳизоти зарурӣ харидорӣ ва ба истифода дода шуд. Шурӯъ аз нимсолаи дуюми соли 2020 конференсияҳо, ҷаласаҳо ва семинарҳои омӯзишӣ бо корхонаҳои фаръии тобеъ тавассути барномаи “Zoom” мустақим (онлайн) гузаронида мешаванд.

Дар соли ҷорӣ аз ҷониби роҳбарияти КВД “БММҒ” нақшаи гузаронидани вебинарҳо барои ҳар семоҳа тасдиқ гардида, вебсеминарҳо оид ба масоили мухталифи соҳа – бақайдгирии молу мулки ғайриманқул, заминсозӣ, баруйхатгирии техникӣ, истифодаи барномаҳои электронии СХБТ ва “Бойгонии электронӣ” ҳар ҳафта баргузор гардиданд.

Аз тарафи мутахассисони Корхона Геопортали молу мулки ғайриманқул таҳия гардида, бо қарори Раиси Кумитаи давлатии идораи замин ва геодезӣ аз 04.03.20, №32 тасдиқ гардид. Геопортали мазкур маълумотҳои фазоӣ ва харитавии молу мулки ғайриманқули ҳудуди минтақаҳои кадастрии шаҳри Душанберо дарбар гирифта, тавассути сомонаи Корхона (www.baqaydgiri.tj) ва дар суроғаи geoportal.tj дастраси мустақими инфиродӣ қарор дода шуд.

Дар давраи ҳисоботӣ ҷиҳати такмил додани Геопортали молу мулки ғайриманқул корҳои ворид намудани маводи харитавии тамоми шаҳру ноҳияҳо ба геопортал, сарҳадҳои шаҳру ноҳияҳои тобеи марказ дар барномаи ArcGIS, тибқи маводҳои заминсозии байнихоҷагӣ, ки аз ҷониби ИЛТ “Фазо” ва ИДЛЗ “Тоҷикзаминсоз” таҳия шудаанд, анҷом дода шуд.

Сомонаи (вебсайти) Корхона аз моҳи апрели соли 2019 дар суроғаи www.baqaydgiri.tj фаъол буда, бо забонҳои тоҷикӣ ва русӣ мавриди истифодаи умум қарор дорад. Маълумоти он мунтазам коркард гардида, барои истифода аз телефонҳои мобилӣ мутобиқат гардонида шудааст. Саволу дархостҳо, муроҷиати шахсони воқеӣ ва ҳуқуқӣ, аризаҳо барои ҳабси молу мулки ғайриманқул, ки дар шакли электронӣ ба сомона ворид мегарданд, ба таври худкор ба почтаи электронии Корхона info @ registr-ni. tj ирсол карда мешаванд.

Почтаи электронии Корхона info@registr-ni.tj ва почтаҳои электронии корхонаҳои фаръии тобеъ доимо фаъол буда, тавассути онҳо мактубҳои воридотӣ ва ҳисоботи даврӣ қабул карда шуда, ҳуҷҷатҳои содиротӣ ба муассисаю ташкилоти дахлдор ирсол карда мешаванд. Дар натиҷа сифат ва маҳсулнокии корҳои ҳуҷҷатгузорӣ, доду гирифти ҳуҷҷату маълумотҳо баланд гардида, дар муҳлати кӯтоҳтарин амалӣ карда мешаванд.

Бо мақсади муайян намудани тайёрии касбӣ, сатҳи дониш, самаранокии меҳнат ва иҷрои уҳдадориҳои вазифавии кормандони корхонаҳои тобеъ, тибқи фармони директори КВД «БММҒ» аз 01.02.21, №35 аз 15 феврал то 3 март аттестатсияи такрории кормандони КДФ “БММҒ” шаҳру ноҳияҳои вилоятҳои Хатлону Суғд, шаҳри Душанбе ва шаҳру ноҳияҳои тобеи марказ (шахсони шартан аттестатсияшуда ва ё дар даври аввал иштирок надошта) бо иштироки 263 нафар гузаронида шуд. Дар натиҷа аз ҷониби комиссияи аттестатсионӣ чунин баҳогузорӣ карда шуданд: 243 нафар ба вазифаи ишғолнамудаашон мувофиқат карданд, 9 нафар мувофиқат накарданд, 11 нафар ба дигар вазифа гузаронида шуданд.

Бо ташабуси «Лоиҳаи USAID оид ба кишоварзӣ ва идоракунии заминҳои кишоварзӣ дар Тоҷикистон” аз тарафи мутахассисони дастгоҳи марказии КВД “БММҒ” дар Маркази омӯзишии КВД “БММҒ” дар шаҳри Бохтар семинари омӯзишӣ оид ба бақайдгирии молу мулки ғайриманқул, заминсозӣ ва баруйхатгирии техникӣ бо мутахассисони КДФ “БММҒ” дар 12 шаҳру ноҳияҳои минтақаи Бохтари вилояти Хатлон дар ду давр: 25-27 май ва 01-03 июн баргузор гардиданд.

Дар нимсолаи якуми соли ҷорӣ Корхона ва корхонаҳои фаръии тобеъ дар шаҳру ноҳияҳо ҷиҳати иҷрои Амри Президенти Ҷумҳурии Тоҷикистон аз 29.12.17, № АП-983 бо мақсади расонидани кӯмакҳои хайриявӣ ба маъюбон, шахсони бесаробон ва камбизоатон, инчунин ба сокинони бар асари офати табиӣ зарардидаи ноҳияҳои А. Ҷомӣ, Вахш ва шаҳри Кӯлоби вилояти Хатлон саҳми худро гузошта, ба маблағи умумии 1 033 815 сомонӣ кӯмаки хайриявӣ расониданд: корхонаҳо дар вилояти Суғд – 281063 сомонӣ, ВМКБ – 33231 сомонӣ, Хатлон – 312147 сомонӣ, шаҳру ноҳияҳои тобеи ҷумҳурӣ – 336374 сомонӣ ва дастгоҳи марказии КВД “БММҒ- 41000 сомонӣ.

Аз маблағи умумии кӯмакҳои хайриявӣ 1033815 сомонӣ - 626600 сомонии онро маблағи аз ҳисоби кормандони дастгоҳи марказӣ ва корхонаҳои фаръии тобеъ ҷамъоваригардида ташкил медиҳад, аз ҷумла аз КДФ “БММҒ” дар вилояти Суғд – 186800 сомонӣ, вилояти Хатлон – 196500 сомонӣ, шаҳру ноҳияҳои тобеи ҷумҳурӣ – 219300 ва КВД “БММҒ” – 24000 сомонӣ (Иттифоқи касабаи кормандон – 5000 ва кормандон – 19000). Маблағҳо барои бунёди 3 хонаи истиқоматӣ барои сокинони аз офати табиӣ зарардидаи шаҳру ноҳияҳои Кӯлоб, Вахш ва А.Ҷомӣ (яктогӣ хона) сарф карда мешаванд.

Инчунин, аз ҳисоби маблағҳои кормандони КДФ «БММҒ» дар шаҳру ноҳияҳои ВМКБ барои сохтмони бинои маъмурии КДФ «БММҒ» дар ноҳияи Роштқалъа кӯмаки хайриявӣ ба маблағи 26370 сомонӣ ҷамъоварӣ гардид.

Бахшида ба пешвози таҷлили ҷашни 30-солагии Истиқлолияти давлатии Ҷумҳурии Тоҷикистон кормандони дастгоҳи марказии Корхона ва корхонаҳои тобеъ дар шаҳру ноҳияҳо дар маъракаи таҷлили идҳои умумимиллӣ, корҳои бунёдкорию ободонӣ, тозаю покиза намудани атрофи корхонаҳо ва маҳаллаю шоҳроҳҳои ба онҳо вобасташуда муташаккилона ширкат варзиданд.

Дар умум, аз тарафи КВД “БММҒ” ва корхонаҳои минтақавии бақайдгирӣ дар давраи ҳисоботӣ ба маблағи 664 953 сомонӣ корҳои ободонӣ анҷом дода шуданд, аз ҷумла корхонаҳо дар вилояти Суғд- 231 257 сомонӣ, Хатлон- 281 300 сомонӣ ва шаҳру ноҳияҳои тобеи ҷумҳурӣ - 152 396 сомонӣ.

Барои фароҳам овардани шароити хуби кории кормандон, қабули шаҳрвандон ва дар сатҳи лозима пеш бурдани раванди бақайдгирии давлатии молу мулки ғайриманқул сохтмони асосии бинои маъмурии КВД “БММҒ” дар ноҳияи А.Ҷомӣ мавриди истифода қарор дода шуд. Корҳои сохтмонӣ дар объектҳои ҷашнӣ – биноҳои маъмурии кумитаҳои идораи замин ва корхонаҳои бақайдгирӣ дар шаҳру ноҳияҳои Хӯҷанд, Кӯлоб, Ш.Шоҳин, Хуросон, Варзоб, Роштқалъа ва Тоҷикобод таҳти назорати доимии роҳбарияти Корхона қарор дошта, корҳо тибқи сметаи сохтмон анҷом дода мешавад.

Дар нимсолаи якуми соли 2021 аз ҷониби корхонаҳои тобеъ корҳои сохтмонӣ ба маблағи 2 154 285 сомонӣ ба анҷом расонида шуданд, ки аз он сохтмони асосӣ маблағи 1804343 сомонӣ, сохтмони иловагӣ– 44000 сомонӣ ва таъмири ҷорӣ – 305942 сомонӣ ташкил медиҳанд.